پوهنې وزیر د کابل ښار ۱۷ تعلیمي ناحیې له خصوصي ښوونځيو څخه لیدنه وکړه.
پوهنې وزارت- کابل: پوهنې وزیر ډاکتر محمدمیرویس بلخي د ولایتونو او مرکز د ښوونځيو څخه د لیدنې په ترڅ کې، دا ځل د کابل ښار ۱۷ تعلیمي ناحيې ته ولاړ او د خصوصي ښوونځيو د لیدنو لړۍ يې د حیدري خصوصي ښوونځي څخه پیل کړه.
پوهنې وزیر او استاد حیدری وجودی د پارسي ژبې پيژندل شوۍ شاعر د یاد ښوونځي د ټولګیو څخه په جلا ډول لیدنه وکړه او د افغانستان په پرمختګ او آبادي کې یې د ښوونې او روزنې اهمیت په اړه له ښوونکو او زده کوونکو سره خبرې وکړې.
همدارنګه پوهنې وزیر د درسي میتودونو، درسي کتابونو حالت، د ښوونیزو خدمتونو وړاندې کولو طریقه او د درسي ټولګیو په اړه ستونزي يې وڅيړلې او د ستونزو د حل او څار په موخه يې ژمنه وکړه.
د یادونې وړ ده چې د حیدری وجودي خصوصي ښوونځۍ د کابل ښار په ۱۷ مه تعلیمي حوزه کې موقعیت لري او د لمړي ټولکي څخه تر ۹ ټولګي پوري ۲۸۰ زده کوونکي په لیک او لوست بوخت دي.
