پوهنې وزیر د ښوونیزو خدمتونو وړاندې کولو څرنګوالي څیړلو په موخه د کابل ښار رخشانه عالي لیسې څخه لیدنه وکړه

پوهنې وزارت- کابل: پوهنې وزیر ډاکتر محمدمیرویس بلخي د مرکز او ولایتونو ښوونځيو څخه د لیدنو په لړ کې، دا ځل د کابل ښار ۶ مې تعلیمي حوزې د رخشانه عالي لیسې څخه د لیدنې ترڅنګ د یادې لیسې د ښوونې او روزنې لړۍ څخه یې له نژدې څارنه وکړه.
پوهنې وزیر د یادې لیسې له ټولګیو څخه لیدنه وکړه او د زده کوونکو لپاره يې د ښوونیزو خدمتونو وړاندې کولو لړي، د یادې لیسې وسایل او د درس ورکولو طریقې و څيړلې.
پوهنې وزیر همدارنګه د یادې لیسې له مدیر او ښوونکو سره خبرې وکړې، د هغوي شته ستونزو له اوریدو وروسته يې په مرکز او ولایتونو کې د ښوونیزو خدمتونو له پرمختګ څخه د پوهنې وزارت مشرتابه له ملاتړ نه یادونه وکړه.
د یادونې وړ ده چې د کابل ښار رخشانه عالي لیسه د لمړي ټولګي څخه تر دولسم ټولګي پورې ۲۷۵۰ زده کوونکي لري.
همدارنګه دا لیسه د ۸۴ درسي ټولګېو په درلودلو سره په دوه درسي وختونو کې ښوونیز خدمتونه وړاندې کوي.