پوهنې وزیر د هند په پونه ښار کې له افغان زده کړیالانو سره وکتل
پوهنې وزارت- کابل: پوهنې وزیر ډاکتر محمدمیرویس بلخي د Alumni Award 2019 کلنۍ جایزې د مراسمو په څنډه کې د هند په پونه ښار کې له افغان زده کړیالانو سره لیدنه او خبرې اترې وکړې.
د افغانستان پوهنې وزیر په دې لیدنه کې د خپلو زده کړو د تجربو د شریکولو ترڅنګ، زده کړیالان یې د وړتیا د ترلاسه کولو او د ظرفیت او ځواک لوړولو لپاره وهڅول.
ډاکټر بلخي د هر زده کړیال د وړتیا ډیریدو او د فردي ظرفیت پیاوړتیا باندې کار کول یې په افغانستان کې د کار رامینځ ته کولو او په هیواد کې د تشو او خلاوو د له مینځه وړلو لپاره یو مهم ګام یاد کړ.
د یادونې وړ ده چې د هندوستان دکلتوري اړیکو شورا (ICCR) د Alumni Award 2019 کلنۍ جایزه یې په هند کې د غښتلي افغان فارغ التحصیل په توګه او همدارنګه د افغانستان خلکو ته د مشرتابه او مدیریت په لوړه کچه کې د خدمت کولو له امله د افغانستان پوهنې وزیر ډاکتر محمدمیرویس بلخي ته ډالۍ کړه.
