په کندهار ولایت کې د څه کم ۸ مېلیونه افغانیو په لګښت د یوې لېسې ودانۍ ورغول شوه
د پوهنې وزارت خبر ورکوي چې په دې وروستیو کې د کندهار ولایت شاهوليکوټ ولسوالۍ اړوند د کیغتو په کلي کې د یوې لېسې د نوې ودانۍ جوړولو چارې بشپړې او د یوې ځانګړې غونډې په ترڅ کې، چې پکې د پوهنې مسئولین، یو شمېر علماء کرام، د محلي ادارو چارواکي او د سیمې د خلکو استازي هم حاضر وو، پرانیستل شوه.
د مسئولینو په وینا؛ د دغې ودانۍ جوړولو ټول لګښت ۷ مېلیونه او ۹۸۰ زره افغانۍ دی، کوم چې د پوهنې یو همکار بنسټ لخوا برابرې شوې دي.
د لېسې دغه نوې ودانۍ ۶۰ درسي ټولګي، ۱۰ اداري خونې او ټول اړین محلقات لري.
د مراسمو ویناوالو هر یو د تعلیم پر اهمیت خبرې وکړې او له زدهکوونکو یې وغوښتل چې د ښوونځي د ودانۍ او تجهیزاتو په ساتنه او پالنه کې جدي هڅې وکړي.
