په کابل ولایت کې د ۷ مېلیونه افغانیو څخه په زیات لګښت د ۲۴ تعلیمي مرکزونو ترمیم او تجهیز پیل شو
پوهنې وزارت، د کابل ولایت په مختلفو ولسوالیو کې د ۱۲ بابه ښوونځیو او یوې مدرسې د ترمیم او بیارغونې او د ۱۱ بابه ښوونځیو لپاره د برېښنا او اوبو رسولو سیسټمونو غځولو کارونه پیل کړل.
د یادو پروژو لګښتونه به د پوهنې وزارت له بودیجې څخه تمویل شي، چې ټول لګښت یې څه د پاسه ۷مېلیونه افغانۍ راغلی دی او چارې به یې په درېیو میاشتو کې بشپړې شي.
د پوهنې چارواکو په وینا، د دغې پروژې په بشپړېدلو سره به د سلګونو تنو زدهکوونکو لپاره مناسب تعلیمي چاپېریال چمتو شي.
