په کابل ولایت کې د یو باب ښوونځي د ودانۍ بنسټ ډبره کېښودل شوه
د کابل ولایت پوهنې رئیس الحاج مولوي عبدالحق حقاني، د یاد ولایت فرزه ولسوالۍ اړوند قلعه نو لومړني ښوونځي د ودانۍ بنسټ ډبره کېښودله.
د پوهنې رئیس د معلوماتو له مخې، د ښوونځی دغه ودانۍ ۶ درسي ټولګي، یوه اداري خونه او نور اړین ملحقات لري، چې د پوهنې په برخه کې د یوې همکارې ادارې په مالي مرسته د ۱۰ مېلیونه۶۶۶زره ۷۵۰ افغانیو لګښت سره به جوړه شي.
د يادونې وړ ده، چې د همدغه ښوونځي جوړېدو لپاره ځمکه د سيمې د سوداګرو او ځایي اوسېدونکو له خوا ورکړل شوې ده.
د پوهنې وزارت مشرتابه د کابل ولایت فرزې ولسوالۍ له معارف دوسته اوسېدونکو څخه د یاد ښوونځي لپاره د ځمکې د ورکړې له امله مننه کوي.
