په کابل ولایت کې د څه کم ۱۰۰ زره افغانیو په لګښت د یو باب ښوونځي ودانۍ بیاورغول شوه
د کابل ښار نهمې ناحیې اړوند دستاري لېسې بیارغونې او ترمیم چارې، چې څه موده وړاندې د یو تن علم پروره شخصیت لخوا، د ۸۰ زره افغانیو په مالي مرسته پیل شوی وې، بشپړې او د کابل ولایت پوهنې مسئولینو په حضور کې ګټې اخستنې ته وسپارل شوې.
د یادونې وړ ده چې د دغه ښوونځي منسوبینو او د والدینو شورا د هېواد بچیانو لپاره د خوندي او سالم چاپېریال چمتو کولو په برخه کې د پوهنې وزارت له کړنو څخه خوښي څرګنده کړه.
د پوهنې وزارت مشرتابه هم د هېواد علم پروره خلکو له مادي او معنوي ملاتړ څخه مننه کوي.
