په ښوونځیو کې د ګولیو (تابلیتونو)دلېږد ځنځیري مدیریت دپوهاوي درې ورځنی ورکشاپ جوړ شو!
د پوهنې وزارت_ننګرهار: په په ښوونځیو کې د ګولیو (تابلیتونو)دلېږد ځنځیري مدیریت دپوهاوي درې ورځنی ورکشاپ جوړ شو!دې ورکشاپ کې چې د ننګرهار پوهنې ریاست په کوربه توب او د یونیسف ادارې په مالي مرسته د دری ورځو لپاره په جلال اباد ښار کې جوړ شوی پر ننګرهار سربېره د لغمان،کونړ او نورستان ولایتونو دپوهنې ریاستونود روغتیایی او املاکي برخو مسولین او کارکوونکي او همدارنګه د ددغو ولایتونو د روغتیا ریاستونو او ګوزڼ ناروغۍ د مخنیوي د پرګروام استازو برخه اخسیتې ده. دپرانستې په مراسمو کې د ننګرهار پوهنې ریس حسیب الله شینواري په خپلو خبرو کې د زده کوونکو روغتیا ته پاملرنه یوه بنسټیزه او خورا مهمه موضوع وبلله ویی ویل چې د زده کوونکو د درملنې پر ځای وقایې ته لومړیتوب ورکول له اقتصادي پلوه د کورنیو او دهیواد سره مرسته ده. دپوهنې ریس دغه راز دورکشاپ له ګډونوالو وغوښتل چې پرمرسته کوونکو ادارو د تکیه کولو پر ځای پر ځان بسیاینې او پر خپلو پښتو ودریدلو ته لومړیتوب ورکړي او په دې برخه کې له ولسي تجربو او دودونو ګټه واخلي. حسیب الله شینواري دیونیسف ادارې نه مننه وکړه چې په بېلابېلو برخو کې له پوهنیز بهیر سره مرسته کوي. بیا د عامې روغتیا وزارت استازي ډآکتر عصمت الله د زده کوونکو لپاره د اوسپنې ګولیو کارول خورا اړین وبلل او دهغې پر ارزښت یې هر اړخیز معلومات وړاندی کړل.دښوونځیو زده کوونکو ته د فولیک اسید یا اوسپنې ګولۍ په ښوونځیوکې په منظم ډول ویشل کیږي چې دزده کوونکو د کم خونۍ د ناروغۍ د کمولو او ذکاوت په ډیرولو کې مرسته کوي.
