په څو ولایتونو کې د ساینس او ریاضياتو ښوونکو لپاره د وړتیا لوړولو ورکشاپونه پیل شول
د پوهنې وزارت لخوا په بامیان، دایکنډي، غور او کاپیسا ولایتونو کې، د ښوونکو د علمي او مسلکي کچې لوړولو لپاره، د ساینس او ریاضياتو ۵۰۰ تنو ښوونکو لپاره د مسلکي ظرفیت لوړولو ۶ ورځني او ۸ ورځني ورکشاپونه پیل شول.
یاد ورکشاپونه چې په درېیو برخو کې تنظیم شوي دي؛ د چاپېریالي ساینس، کمپیوټر ساینس او ریاضي ښوونکو لپاره ۶ ورځې او په کمپیوټر او ریاضي برخو کې د مسلک خلاف ښوونکو لپاره به ۸ ورځې دوام وکړي.
