په پکتیکا ولایت کې د یو باب مدرسې د ودانۍ بنسټ ډبره کېښودل شوه
د پکتیکا ولایت په سروبي ولسوالۍ کې د شمس العلوم زامه دیني مدرسې بنسټ ډبره کېښودل شوه.
د یاد ولايت پوهنې مسئولينو په وينا: د مدرسه دغه ودانۍ چې ۱۰ درسي ټولګي، یو احاطوي دېوال او نور اړين ملحقات به ولري، په ۴ جرېبه ځمکه کې جوړېږي.
د یادې مدرسې په جوړېدو څه باندې ۳ مېلیونه افغانۍ لګښت راځي، چې د همدغه ولسوالۍ د علم پروره خلکو له خوا ورکول کېږي.
د پوهنې وزارت رهبري د پوهنې په برخه کې د پکتیکا ولایت د ولسونو له مرستو مننه کوي.
