په پروان ولایت کې د ۵ مېلیونه افغانیو په لګښت د ښوونځي نوې ودانۍ پرانیستل شو
د پروان ولایت سرخ پارسا ولسوالۍ د دره ترکمن په سیمه کې د دولت خاني لومړني ښوونځي نوې ودانۍ چې د ځایی خلکو په مرسته د ۵ مېلیونه افغانیو په ټولیز لګښت جوړه شوې وه، په رسمي ډول د پوهنې رئیس او چارواکو په ګډون د یو لړ مراسمو په ترڅ کې افتتاح او ګټې اخیستنې ته وسپارل شوه.
د پروان ولایت پوهنې رئیس محترم مولوي سید محمد فیضي د ځایی خلکو له ملاتړ څخه د مننې په ترڅ کې وویل: "یاد ښوونځی چې د یو کال په اوږدو کې په یوه پوړ کې په پاخه او اساسي ډول جوړ شوی، ۱۰ درسي خونې، څلور غرفې تشنابونه او د څښاک پاکو اوبو سیسټم لري، چې په پایله کې یې د زدهکوونکو لپاره خوندي تعلیمي چاپېریال رامنځته شو."
