په ولایتونو کې د پوهنې لنډ خبرونه.
- بلخ:
دبلخ ولايت د پوهنې ريس الحاج مولوي عبدالجليل شهيدخېل د ايران د اسلامي جمهوريت له فرهنګي مسوول غلام حسين شيرزاد سره وکتل .
ښاغلي شېرزاد د بلخ د پوهنې ریاست سره د زده کوونکو او استادانو د کلتوري مسایلو او د ظرفیت لوړونې په برخو کې د مرستو اعلان وکړ.
- په یو بل خبر کې:
د بلخ ولايت د پوهنې ريس الحاج مولوي عبدالجليل شهیدخېل د يادې ادارې د ښوونيزو پروګرامونو په اړه چې په بلخ ولايت کې روان دي، د پاملرنې دفتر له مسوولينو سره خبرې وکړې او د دغه ولايت د خلم ولسوالۍ د سيمه ييزو ښوونيزو ټولګيو په اړه يې نظرونه تبادله کړل.
- شبرغان:
په شبرغان ولایت کې د افغان ترک ښوونځیو مسوولین وايي: د دغو ښوونځیو په اووم ټولګي کې د زده کوونکو د شاملولو په موخه د فاریاب، سرپل او جوزجان له ولایتونو څخه ۲۶۷ تنو هلکانو او نجونو په ځانګړې ازموینه کې ګډون کړی و.
د جوزجان ولايت د پوهنې ريس الحاج مولوي محمد طاهر جواد د افغان ترک ښوونځيو له مسوولينو څخه د مننې په ترڅ کې د دغه ډول پروګرامونو پيلول د استعدادونو په پیدا کولو کې ګټور وبلل.
- فراه:
حاجي عبدالظاهر د فراه ولایت یو تن خیرخواه شخصیت په خپل شخصي لګښت یې د شیب کوه والسوالۍ د دوقلعه ښوونځي د زده کوونکو لپاره یې، د ښوونځي وسایل لکه؛ قلمونه، کتابچې، پنسلونه او پنسلونه تراشونه ووېشلې.
د پوهنې ریاست مسوولینو د دغه خیرخواه شخصیت له مرستو څخه مننه وکړه.
- جوزجان:
د جوزجان ولایت د پوهنې ریاست په انګړ کې د جوزجان ولایت د ولسوالیو د پوهنې آمرینو او د دې والسوالۍ د څارنې غړو لپاره یو ورځنی روزنیز سیمینار جوړ شو، چې په ترڅ کې یې ګډونوالو ته د پلان، راپور ورکولو، ډیټابیس، عملیاتي پلان د طرحې د جوړولو په اړه روزنه ورکړل شوه.
