په هلمند کې د یو ښوونځۍ نوې ودانۍ ګټي اخیستني ته وسپارل شوه
د پوهنې وزارت_هلمند: د هلمند ولایت د مرکز اړوند د کوچني کاریز نوي جوړه شوی ودانۍ د یو لړ مراسمو په ترځ کې د یاد ولایت والی یاسین خان او د پوهنې رییس لخوا په داسي حال کې چي د دولتي ادارو یو شمیر مسوولینو هم ګډون درلود دپټي په پریکولو سره افتتاح او ګټي اخیستني ته وسپارل شوه .
یاده ودانۍ د ځمکولۍ چارو او ښارجوړونې وزارت په مالي لکښت د ۱۶ میلونه افغانۍ په ارزښت د یوه کال په جریان کي بشپړه او نن ګټي اخیستنې ته وسپارل شوه.
د یاد ښوونځې ودانۍ په پاخه او اساسي ډول د ښار جوړوني وزارت په مالي مرسته د ۱۶ میلیونه افغانیو په لګښت د یو کال په موده کې جوړه شوي، چې ۸ درسي خونې، ۴ ادارې خونې د کتابتون او د کمپیوټر لب لپاره ځانګړې ځایونه او نور اړین ملحقات لري.
د هلمند والي تورنجنرال محمد یاسین خان د یاد ښوونځې د پرانیستلو پرمهال وویل هلمند کې د ګڼو نورو ښوونځیو لپاره د ودانیو د جوړېدو چاري هم روانې دي او په نژدې وختونو کي به ګڼ شمېر نورو ښوونځیو ته هم ودانۍ جوړي شي.
ښاغلي یاسین خان د ښوونځیو لپاره د ودانیو د جوړولو برخه کي د افغانستان جلالتمآب ولسمشر د ځانګړې پاملرنې څخه مننه وکړه چي دې ولایت کې يې د سلګونو ښوونځیو لپاره د نوو ودانیو جوړولو بودیجه منظور کړې ده.
هلمند والي ښاغلي یاسین خان له ولسونو څخه غوښتنه وکړه چې د ښوونځیو لپاره نوې جوړېدونکې ودانیو په ساتنه کي پوره پاملرنه وکړي او خپل اولادونه هم زده کړو ته وهڅوي.
د هلمند پوهنې ریئس محمد داؤد شاه صفاري او د ځمکولۍ چارو او ښارجوړونې ریئس عبدالولي مبارز هم په دې پرانیسته کې خبرې وکړې ، ددوی په خبره چي د ښارجوړونې وزارت په بودیجه جوړه شوي ودانۍ کیفیت ښه او د زده کوونکو لپاره به د ښې زده کړي په برخه کي سهولتونه رامنځته کړي.
