په هرات ولایت کې پوهنې وزارت ته څه د پاسه څلور نیم جریب ځمکه وقف شوه
د هرات ولایت د کرخ، کشک رباط سنګي، پښتون زرغون او گذرې ولسوالیو علمپروره اوسېدونکو، شاوخوا ۴.۵ جریبه ځمکه چې ارزښت یې له ۲ میلیونه او ۱۲۰ زره افغانیو څخه زیات دی، پوهنې وزارت ته ډالۍ کړه.
د یاد ولایت پوهنې رئیس مولوي محمد رحماني، د ځایي اوسېدونکو له دغه ارزښتناک اقدام څخه د مننې ترڅنګ وویل چې د پورته ذکر شوې ځمکه د ښوونځیو د ودانولو او د ښوونیزو بنسټیزو د پراختیا په موخه وقف شوې دي.
د پوهنې وزارت مشرتابه د خلکو همکاري او ملاتړ د ښوونیز نظام د پراختیا او زدهکوونکو ته د زدهکړو د لا ښه لاسرسي لپاره اغېزناک بللی او د هرات ولایت د اوسېدونکو له دغې ارزښتناکې ونډې او همکارۍ څخه یې مننه کړې ده
