په هرات ولایت کې له یوه ښوونځي سره د مېزونو او څوکیو مرسته وشوه
د هرات ښار د خیریه چارو او د پوهنې ملاتړي حاجي امینالله امیني له لوري، د یاد ولایت د مرکز هاتفي لېسې ته ۸۰ پایې مېزونه او څوکۍ چې ارزښت یې ۲۰۰ زره افغانۍ کېږي، ډالۍ کړې.
د هرات پوهنې رئیس مولوي محمد رحماني، د نوموړي خیرپال شخصیت له دغې مرستې څخه د مننې او قدردانۍ ترڅنګ وویل:« د دغو مېزونو او څوکیو په ورکړې سره به د یادې ښوونیزې ادارې د زدهکوونکو یوه برخه ستونزې هوارې شي».
همدارنګه نوموړي له نورو علمپروره شخصیتونو، سوداګرو او خیریه بنسټونو وغوښتل چې د پوهنې د پرمختګ او ودې په موخه له ښوونیزنظام سره همکاري وکړي.
