په هرات ولایت کې د ۵ مېلیونو افغانیو څخه په زیات لګښت د ۲ بابه ښوونځیو ترمیم چارې پیل شوې
د هرات ولایت انجیل ولسوالۍ اړوند د اماني لېسې او رباط سنګي ولسوالۍ د بیرجنک لومړني ښوونځي بیارغونې او ترمیم پروژې پیل شوې.
یادې پروژې چې د پوهنې وزارت له لوري د یوې همکارې ادارې په مالي ملاتړ سره د ۵ مېلیونه۵۷۰ افغانیو په لګښت پیل شوې دي، په حقیقت د پوهنې وزارت لخوا د ښوونځیو د بیارغونې او ساختماني چارو ته د لومړیتوب ورکولو ښکارندویي کوي، چې همدغه وزارت یې د تعلیمي ادارو سره په همکارۍ، د ښوونځیو زده کونکو لپاره، په ځانګړې توګه په لیرې پرتو سیمو کې د خوندي او مناسب تعلیمي چاپېریال چمتو کولو لپاره ترسره کوي.
