په هرات ولایت کې د یو ښوونځي لپاره د ۱.۶ مېلیونه افغانیو په لګښت د ۵۲۵ مېزونو-څوکیو مرسته وشوه
یوې مرستندویه ادارې، د هرات ولایت مرکز اړوند د اسلامي انقلاب عالي لېسې لپاره د ۱.۶ مېلیونه افغانیو په لګښت د ۵۲۵ دوه نفره مېزونو - څوکیو مرسته وکړه. د یاد ولايت پوهنې مسئولينو له ملاتړو ادارو څخه د مننې په ترڅ کې زياته کړه: د دغو مېزونو - څوکيو په مرسته به د همدغه ښوونځي د زده کوونکو ډېری ستونزې هوارې شي. دوی وویل، چې د پوهنې وزارت رهبري په دوامداره توګه هڅه کوي، تر څو د ښوونځیو ټولې ستونزې په ځانګړې توګه د زده کوونکو لپاره د تدریسي موادو اړتیاوې پوره کړي. د يادې لېسې مسئولينو او زده کوونکو هم خوښي وښوده، چې ښوونځی یې په مېزونو -څوکيو سمبال شو.
