په هرات ولایت کې د ښوونځیو شوراګانو د ۳۰۰ تنو غړو لپاره ورکشاپ پرانیستل شو
د هرات ولایت غوریان، پشتون زرغون، چشت شریف او اوبې ولسوالیو د ښوونځیو شوراګانو د ۳۰۰ تنو غړو لپاره د "عامه پوهاوي" تر سرلیک لاندې ۲ ورځنی ورکشاپ پرانیستل شو.
د یادو پروګرامونو ترسره کولو اساسي موخه، د ښوونځیو شوراګانو د غړو پوهاوي کچې لوړول دي، ترڅو په ښوونځیو کې د زده کړې او روزنې کیفیت لاپسې لوړ شي.
د یادونې وړ ده، چې دغه ورکشاپونه د هرات پوهنې ریاست د ښوونکو مسلکي پراختیا څانګې علمي غړو په همکارۍ او د یوې همکارې تعلیمي ادارې په مالي ملاتړ سره پیل شوي دي.
