په نیمروز ولایت کې زده کوونکو ته د تدریسي موادو وېش لړۍ پیل شوه
د نیمروز ولایت پوهنې مسئولین خبر ورکوي چې: په دې وروستیو کې د یاد ولایت د پوهنې یوې ملاتړې ادارې له لوري ۱۲۶۵ کارتنه درسي مواد او قرطاسیه د همدغه ولایت پوهنې ریاست ته ورکړل شول، چې له دې جملې ۹۲۹ کارتنه قرطاسیه له لومړي تر درېیمو ټولګیو پورې ۱۸۰۰۰ تنو زده کوونکو ته او همدارنګه ۴۳۶ کارتنه ښوونیز مواد ۴۳۶ تنو ښوونکو ته وېشل شوي دي.
د نیمروز پوهنې رئیس الحاج مولوي ګل احمد حقاني وویل، چې د یادو ښوونیزو توکو په وېشلو سره به د لوی شمېر زده کوونکو ستونزې حل شي.
