په ننګرهار ولایت کې د یو باب دیني مدرسې جوړولو لپاره یو جرېب ځمکه وقف شوه
د سیمې د متدینو خلکو لخوا، د ننګرهار ولایت ګوشتې ولسوالۍ په ارخي کلي کې د دار الحفاظ لپاره یو جرېب ځمکه وقف شوه.
د دغې ځمکې د سپارلو په مراسمو کې پوهنې چارواکو، د دارالحفاظ او سیمهییزو ادارو استازو، علماءکرامو او قومي مشرانو ګډون درلود.
په ورته وخت کې د همدغې ولسوالۍ معارف دوسته ملي سوداګرو ژمنه وکړه، چې ډېر ژر به په یاده ځمکه کې د یوې درسي خونې جوړول پیل کړي.
د هیواد د پوهنې وزارت مشرتابه د پوهنې مینهوالو له دغه ارزښتناک اقدام ستاینه او قدرداني کوي.
