په میدان وردګو ولایت کې یوه ښوونځي ته نوې ودانۍ جوړه شوه
پوهنې وزارت، میدان وردګ: د میدان وردګو ولایت د بهسودو ولسوالۍ خارزار سیمه کې
د خار زار ابتدائيه ښوونځي ته نوې ودانۍ جوړه او ګټې اخیستنې ته وسپارل شوه.
د یاد ښوونځي نوې ودانۍ د کلیو، بیا رغونې او پراختیا وزارت د اقراء پروګرام لخوا د یو کال په موده کې په پاخه او اساسي ډول د (۴) میلیونه او(۴۸۴) زره افغانیو په مجموعي لګښت جوړه شوې، چې۶ درسي ټولګي، یوه اداري خونه، د پاکو اوبو څاه او ۳ تشنابونه لري، چې په جوړیدو سره یې د سیمې ماشومانو ته د زده کړو خوندی چاپیریال برابرشو .
د میدان وردګو ولایت د پوهنې رئیس داکټر محمد سعید منصور د دې ودانۍ پر جوړیدو خوښي څرګنده کړه او د سیمې له اوسېدونکو یې وغوښتل، چې د ودانۍ ساتنې ته ځانګړې پاملرنه وکړي او د خپلو ماشومانو د ښوونې او روزنې په برخه کې جدي هڅې وکړي.
