په میدان وردګو ولایت کې د دارالایتام زده کوونکو تر منځ د سیرت النبی سیالۍ ترسره شوه
د میدان وردګو ولایت مرکز میدان ښار اړوند د امام ابو حنیفه په دارالایتام کې د سیرت النبی سیالیو پایلې اعلان شوي چې د یادو سیالیو موخه د اسلام ستر پيغمبر حضرت محمد (ص) له ژوند او شخصيت سره د زده كوونكوو پوره پوهیدل دي.
د یادې سیالۍ پایلې د علماوو کرامو له خوا وارزول شوی چی په پايله کې د کوټه عشرو د کلي اوسېدونکي فتح الله لومړى مقام خپل کړ او ورته یو موټرسايکل د ډالې په توګه ورکړل شو.
همدارنګه د دوهم او دریم مقام ګټوونکو ته لپ ټاپ کمپیوټرونه څلورم او پنځم مقام ګټونکو ته، یو یو موبایل د ډالې په توګه ورکړل شول.
