په غور ولایت کې د دیني مدارسو د مسئولینو او استاذانو لپاره د وړتیا لوړولو پروګرام ترسره شو
د غور ولایت تیوره ولسوالۍ د دیني مدارسو د ۸۰ تنو چارواکو او مدرسینو لپاره د پوهنې وزارت د ښوونکو د مسلکي پراختیا علمي غړو لخوا د مسلکي مهارتونو لوړولو یو ورځنی روزنیز پروګرام ترسره شو.
د تیوره ولسوالۍ پوهنې آمر وویل چې د داسې پروګرامونو پیل د دیني مدارسو د منسوبینو د علمي او اداري ظرفیت په لوړولو کې اغېزمن دي او له هغوی یې وغوښتل چې د زده کړې کیفیت لاښه کولو لپاره له خپلو علمي زیرمو څخه بشپړه ګټه پورته کړي.
