په غزني ولایت کې د ۲۸۹ مېلیونه افغانیو په لګښت د ۴۲ بابه ښوونځیو بیارغونه روانه ده
په غزني ولایت کې د پوهنې د یوې همکارې ادارې په مرسته د ۲۷۵ مېلیونه افغانیو په ټولیز لګښت د ۴۲بابه ښوونځیو له ډلې یې د ۲۵ بابه ښوونځیو بیارغونې چارې روانې دي، چې څه باندې ۸۵ سلنه کارونه یې بشپړ شوې دي.
په یاد ولایت کې د ۱۷ بابه نورو ښوونځیو د بیارغونې ۹۰ سلنه چارې هم د پوهنې له بودیجې څخه د ۱۴ مېلیونه افغانیو په لګښت بشپړېدو ته نږدې او په راتلونکي کې به پرانیستل شي.
د يادونې وړ ده، چې د روان کال له پيل څخه تر اوسه پورې د غزني ولايت د پوهنې دوستو خلکو له ښوونیز نظام سره ٥٠ مېليونه افغانۍ مرسته کړې، چې د پلان له مخې د دغه ولايت د ښوونځيو د بيارغونې په موخه به ترې ګټه واخيستل شي.
د يو بل خبر له مخې، پوهنې مسئولين وايي، چې په دې موده کې د دغه لرغوني ولایت د خلکو له لوري ٨٠ جرېبه ځمکه د مدارسو او ښوونځيو جوړولو لپاره وقف شوې ده.
د پوهنې وزارت رهبري له پوهنیزنظام سره د خلکو په ځانګړې توګه د غزني ولایت د خلکو له مرستو او ملاتړ څخه مننه کوي.
