په غزني ولایت کې د ۱۴ مېلیونه افغانیو په لګښت د ۱۷بابه ښوونځیو بیارغونې چارې بشپړې شوې
د غزني ولایت په ۶ ولسوالیو کې د ۱۷ بابه ښوونځیو بیارغونې او ترمیم چارې چې څه موده وړاندې د پوهنې له بودیجې څخه د ۱۴ مېلیونه افغانیو په لګښت پیل شوې وې، بشپړې او رسماً د پوهنې رئیس الحاج مولوي میرنصیراحمد حسیني، آمرینو او علماءکرانو په حضور کې ګټې اخیستنې ته وسپارل شوې.
په هغه غونډه کې چې په همدې مناسبت جوړه شوې وه، د غزني پوهنې رئيس په خپلو خبرو کې ښوونه او روزنه د يوه هېواد د پرمختګ يو اساسي عنصر وباله او له خلکو يې وغوښتل چې د مدارسو او ښوونځیو فعاله ساتلو په برخه کې دې خپل دیني او ملي مسئولیت ادا کړي.
