په سمنګان ولایت کې دښوونځیو ښوونکو لپاره روزنیز ورکشاپ جوړشو
د پوهنې وزارت، سمنګان: د سمنګان ولایت د ښوونځیو ښوونکو لپاره د اشاري ژبې او بریل لیک په اړه روزنیز ورکشاپ جوړ شو.
دغه ورکشاپ د سویډن کمیټې په مالي مرسته او سمنګان ولایت د پوهنې ریاست په همکاري جوړ شوي، چې د ایبک ښار مرکزي ښوونځیو ۳۰ تنو ښوونکو به پکې ګډون و لري.
د سمنګان ولایت د پوهنې رئیس عبدالمتین سروري د اشارې ژبې او بریل لیک په اړه د دې روزنیز ورکشاپ له تنظیم کوونکوڅخه مننه وکړه او د دې ورکشاپ له ټولو برخه والو څخه یې وغوښتل ترڅو په دې ورکشاپ کې د پام وړ اړین مهارتونو زده کړې.
پوهنې رییس زیاته کړه، پوهنې وزارت ژمن دی تر څو د افغانستان ټولو اتباعو ته یو شان تعلیمی اسانتیاوی برابری کړی او همدا راز یی د معلولینو پر ځواکمنتیا ټینګار وکړ او د معلولو زده کونکو لپاره یی د سیمینارونو جوړول ښه تعلیمي فرصت و باله.
د یادونې وړ ده چې د سمنګان ولایت د پوهنې ریاست د ښوونکو او کارمندانو ظرفیت لوړولو لپاره د روان کال له پیل راهیسې د ظر فیت لوړولو په برخه کې د زیات شمیر ښوونکو او د څارنې غړو لپاره ورکشاپونه جوړ شوی .
