په سرپل ولایت کې یو باب مدرسه او یو محراب جومات پرانیستل شول
د سرپل ولایت د اصحاب صفه جومات او یو باب دیني مدرسه، د یاد ولایت د مقام مرستیال الحاج داملا محمدنادر حقجو، د پوهنې رئیس مولوي محمد رحماني، منسوبینو، علماء کرامو او استادانو په حضور کې ګټې اخیستنې ته وسپارل شول.
د سرپل ولايت پوهنې مسئولينو د څرګندونو له مخې: ياد جومات په دوو پوړونوکې جوړ شوى دى، چې په يو وخت کې د ٥٠٠ تنو لمونځ کوونکو د ځايولو ظرفیت لري او دغه راز د مدرسې ودانۍ په دوو پوړونوکې د اړینو ملحقاتو ترڅنګ چې ١٥ خونې هم لري، د یتیمو ماشومانو او د شهیدانو د وارثینو د زده کړې په موخه جوړه شوې.
د یادونې وړ ده، په دواړو ودانیو ټول ټال ۵ میلیونه افغانۍ لګښت راغلی، چې د دغه ولایت د خلکو او مسئولینو له خوا ورکړل شوی دی.
