په دایکندی کې یو ښوونځي ته نوي ودانۍ جوړیږي
د پوهنې وزارت، دایکندی: د دایکندی ولایت د مرکز اړوند دلزیر د نجونو منځنې ښوونځي د نوې ودانۍ د بنسټ ډبره د ولایت والي محمد ضیا همدرد له لوري په داسي حال کې، چې د ولایت مقام مالی او اداری مرستیال ډاکتر محمدعلي ارزگاني، د پوهنې رییس سید رحمت الله سیرت، د شهدا موسسې د ولایتی دفتر مسووله ګل جان سمر، د دولتي ادارو یو شمیر مسوولینو، ښوونکو او زده کوونکو ګډون در لود کیښودل شوه.
د ښوونځي نوې ودانۍ په پاخه او اساسي ډول د آرغوشي کمیټي په مالي مرسته د څه باندې ۱۴۰ زره امریکایي ډالرو په مجموعي لګښت جوړیږي، چې ۸ درسي خونې، ۴ اداری خونې، د احاطي دیوال، د څښاک اوبو څاه، میز او څوکۍ او نورې اړینې آسانتیاوي به ولري.
په هغه غونډه کې چې په همدې موخه جوړه شوي وه د دایکندي والي محمد ضیا همدرد په دایکندي کې د شهیدانو کمیټې ولایتي دفتر فعالیتونه او په ځانګړي ډول د پوهنې سکتور ته د دې ادارې د چارواکو پاملرنه وستایله او ویې ویل چې د دایکندي د پوهنې سکتور له ګنو ستونزو سره مخ دی چې باید ورته ځانګړې پاملرنه وکړي.
د دایکندي ولایت د پوهنې رییس سید رحمت الله سیرت په داسې حال کې چې د دایکندي ولایت د رهبري او د آرغوشي کمیټي او شهدا موسسې د پاملرنې له امله مننه وکړه، او ژمنه یې وکړه چې د دې ولایت د خلکو د ستونزو د حل لپاره به د ښوونې او روزنې خدماتو وړاندې کولو کې جدي پاملرنه وکړي.
