په خوست ولایت کې د یو شمېر ښوونځیو بیارغونه پیل شوه
د خوست ولایت په درېیو ولسوالیو کې د ۱۰۷ زره امریکایي ډالرو په لګښت د ښوونځیو بیارغونه د پوهنې په برخه کې د یوې همکارې ادارې په مالي ملاتړ پیل شوه.
د یاد ولایت پوهنې رئیس محترم مولوي فیض الله جمال حقاني دغه اقدام د پوهنې پیاوړتیا لپاره مهم وباله او د ودانیو ساتنې ریاست ته یې لارښوونه وکړه چې د پروژو کیفیت او دوامداره څارنه ترسره کړي.
د یادو پروژو په چوکاټ کې، د ښوونځیو د ودانیو بیارغونه، د نویو درسي خونو جوړول، د څښاک پاکو اوبو د څو څاګانو کیندل، احاطوي دېوالونو رغول او ځینې نور اړین ملحقات شامل دي، چې په دوو میاشتو کې به بشپړې شي.
