په بامیان ولایت کې د ښوونځیو لپاره د درسي موادو وېش بهیر پیل شو
د بامیان ولایت پوهنې رئیس قاري عنایت الله سهار په وینا، د یاد ولایت ۱۱۷ بابه ښوونځیو ته، د بېلابېلو موضوعاتو اړوند ۹۹۹ ښوونیز چارټونه، لومړنیو، منځنیو او لېسو ته ۹۴۵ ټوکه د تجربوي لارښود کتابونه، د بیولوژي ۲۰ ډوله موډلونه، ۳۷ بستې د ریاضي درسي مواد، ۱۰ پایې مېزونه، ۲۰ پایې څوکۍ او یو شمېر نور درسي توکي ووېشل شول.
د سیمه ییزو مسئولینو په وينا، ياد ښوونځي د باميان ولايت په مرکز او ٧ ولسواليو کې موقعیت لري.
د همدغو ښوونځيو ښوونکو د يادو درسي توکو په لاسرسي خوښي څرګنده او د تدريس په بهير کې يې اغېزمن وبلل.
