په اروزګان ولایت کې د مدارسو او ښوونځیو جوړولو لپاره ۶۹ جرېبه ځمکه وقف شوه
د پوهنې په برخه کې د عامو خلکو د ملاتړ او مرستو په دوام، دا ځل د اروزګان ولایت د خاص اروزګان ولسوالۍ علم پروره خلکو په ټولییزه توګه ۶۹ جرېبه شخصي ځمکه، د ۴۲ بابه مدارسو او ۴ بابه ښوونځیو د جوړولو په موخه، د یاد ولایت پوهنې ریاست ته تسلیم کړه.
د پوهنې رياست مسئولينو د معلوماتو له مخې، د يادې ځمکې ارزښت ٧ ميليونه او ٨٧٠ زره افغانۍ اټکل شوی دی.
د پوهنې وزارت مشرتابه له پوهنیز نظام سره د عام ولس په ځانګړې توګه د اروزګان ولایت د علم پروره خلکو د ملاتړ او مرستې له امله مننه او قدرداني کوي.
