وزې ځدراڼ کې د ۱۵ میلیونه افغانیو په ارزښت یو ښوونځي ته نوې ودانۍ جوړېږي

د پکتیا ولایت وزې ځدراڼ ولسوالۍ کې د موتي منځنې ښوونځي نوې ودانۍ د جوړېدو چارې د پوهنې رییس استاد کوچي ځاځي، قومي مشرانو او یو شمېر نورو چارواکو په ګډون پیل شوې. 

ښاغلي ځاځي د یاد ښوونځي د بنسټ ډبرې ایښودو په تړاو جوړو شویو مراسمو کې ټینګار وکړ، چې ددې ولایت ټولو زده کوونکو ته به د باکیفیته او متوازنو زده کړو اسانتیاوې برابرې کړي.

هغه زیاته کړه، مونږ متوازن پرمختګ ته ژمن یو، هدف مو دا دی چې ټولې پکتیا ته مساوي خدمتونه وړاندې کړو. انشاالله ځدراڼ میشتی سیمې به ورځ ورځ تر بلې پرمختګ کوي

د موتي ښوونځي ودانۍ په پاخه او اساسي دول په دوو پوړنو کې، چې شاوخوا ۱۵میلیونه افغانۍ لګښت پرې راځي. ۱۰ درسي ټولګي، دوه اداري خونې، لابراتوار، د احاطي دیوار،  د اوبو رسونې سیستم او نورې اړوندې ټولې ښوونیزې آسانتیاوې به ولري. 

درنښت

داړیکواو عامه پوهاوی ریاست