هلمند کې نوی ښوونیز کال د یو لړ ځانګړو مراسمو په ترڅ کې پیل شو
پوهنې وزارت_هلمند: هلمند کې نوی تعلیمي کال د ښوونځۍ د زنګ په وهلو سره پیل شو.
په هغه غونډه کې چې د نوي تعلیمی کال د پیل له امله جوړه شوي وه ، دهلمند ولایت والی، د پوهنې رییس ، د دولتي ادرو يو شمیر مسوولینو ، ښوونکو او زده کوونکو ګډون درلود.
د یاد ولایت د پوهنې رییس محمد داود شاه صفاری ، د نوي ښوونیز کال د پیل مبارکي تر څنګ په هلمند کې د پوهنې پر وړاندي پر شته ستونزو او پوهنیږ بهیر پر لاسته را وړونو خبري وکړي زیاته یې کړه، په مرکز او اړونده ولسوالیو کې ۲۷۴ بابه ښوونځۍ ودانۍ نلري ، ۷۷ بابه ښوونځۍ په بیلا بیلو ولسوالیو کې د ناامنیو له امله تړلي دي، چي د بیرته فعالیت په برخه کي د خلکو همکاري اړینه ده.
هغه همدغه راز وویل چې د تیرو کلونو په پرتله زیات شمیر انجونو او هلکانو په ښوونځۍ کې نوم لیکنه کړې ده ، چي له جملې یې ۴۹ زره انجوني په زدکړو بوختي دي.
دکتابونو نشتون، د ۳ زره ښوونکو کموالی، د میز او چوکیو نه درلودل او ځنیي نوري هغه ستونزي دي چې د پوهنې ریاست ورسره په نوي کال کې لاس اوګریوان دی.
د هلمند والي تورن جنرال محمد یاسین د نوِي ښوونیز کال د پیلیدو له امله د خوښۍ ترڅنګ د پوهنې په ارزښت خبري وکړي او ددې ولایت له ټولو خلکو یې وغوښتل، چې خپل اولادونه په ځانګړي ډول نجونې ښوونځیو ته ولېږي.
همدا رنګه د هلمند والي ژمنه وکړه، چې په دې ولایت کي به ډير ژر د نویو ښوونځیو د جوړیدو چاري پیل او له طالبانو څخه به و غواړي چې ددوۍ تر واک لاندي سیمو کي ښوونځیو جوړیدو ته اجازه ورکړي.
