ننګرهار کې د یو ښوونځي د جوړېدو چارې پیل شوې

پوهنې وزارت_ننګرهار: د ننګرهار ولایت د شینوارو ولسوالۍ د بهرام شاه لومړنې ښوونځي د ودانۍ دبنسټ ډ‌بره د نوموړي ولایت دپوهنې ریاست د مسوولینو لخوا کېښودل شوه.
د یاد ښوونځي ودانۍ په پاخه او اساسي ډول د یوجریب ځمکي په ساحه کې ، چې دسیمې د یو تن اوسیدونکي محترم بهرام شاه لخوا معارف ته ډالۍ شوي ، چې ۶ درسي ټولګي، ۲ اداري خونې، ۳ تشنابونه، د اوبو څښلو څاه او نورې اړوندې ټولې ښوونیزې آسانتیاوې به ولري، د ۴ میلیونه او ۱۵۰ زره افغانیو په لګښت د دریو میاشتو په موده کې د کلیو دبیارغونې او پراختیا ریاست دولسي تړون د اقراء برنامې په چوکات کې به ګتې اخیستنې ته چمتو شی.
د یادولو وړ ده، چې د ښوونځي د نوې ودانۍ له جوړېدو او پرانېستو سره به د یادې سیمې سلګونو نجونو او هلکانو زده کوونکو ته د زده کړو خوندي درسي چاپېریال برابر شي.