ننګرهار کې د دوه بابه ښوونځيو نوې ودانۍ پرانېستل شوې
د پوهنې وزارت، ننګرهار : د ننګرهار ولایت د چپرهار ولسوالۍ د اتفاق فاملیو د نجونو او هلکانو د ښوونځیو نوې ودانۍ د یو لړ مراسمو په ترڅ کې پرانېستل شوې.
یادې ودانۍ د کلیو پراختیا او بیا رغونې وزارت د اقرا برنامې له لورې د شپږو میاشتو په موده کې په پاخه او اساسي ډول د ۱۲ میلیونو ۱۲۰ زرو افغانیو په مجموعي لګښت جوړي شوې، چې د هلکانو د ښوونځي ودانۍ ۱۰ درسي خونې، ۲ اداري خونې، ۵ غرفې تشنابونه، د څښاک د پاکو اوبو ژوره څاه او نورو اړینې اسانتیاوي لري .
همدارنګه د نجونو د ښوونځي ودانۍ ۶ درسي ټولګي ، یوه اداري خونه، ۳ غرفې تشنابونه، د څښاک د پاکو اوبو ژوره څاه او نورو اړینې اسانتیاوي لري ، چې د دغو ښوونځيو په جوړېدو سره نږدې ۱۰۰۰ تنو زده کوونکو ته د زده کړو لازم ښوونیز چاپیریال برابر شو.
د ننګرهار د پوهنې رییس حسیب الله شینواري د یادو ښوونځيو پر جوړولو خوښي څرګنده کړه او د ښوونځیو له زده کوونکو یې وغوښتل چې دودانیو په ساتلو کې زیار وګالي او دغه راز یې د سیمې له مخورو دخپلو ښوونځیو سره د مرستې او د پسرلي په موسم کې د ښوونځیو د چاپیریال د زرغونتیا لپاره د ونو بوټو د کینولو غوښتنه وکړه.
