لوګر ولایت کې د ښوونځیو زدهکوونکو ته د ۳۱ مېلیونه افغانیو څخه په زیات لګښت، د کتابونو او درسي موادو وېش لړۍ پیل شوه
د لوګر ولایت د صنفي اصولو ښوونکو او زدهکوونکو ته د ټولټال ۳۱ مېلیونه او ۴۹۳ زره افغانیو په لګښت، د درسي کتابونو او تدریسي موادو وېش بهیر، د چارواکو او پوهنې مسئولینو په حضور کې پیل شو.
په یادو درسي توکو کې د لومړنیو ښوونځیو د زدهکوونکو لپاره د تدریسي موادو ۲۵۶۵ کڅوړې، د ښوونکو لپاره ۲۰۰۳ ځانګړې بستې، د ښوونځیو د اداري موادو ۲۵۸ کڅوړې، نور اړین توکي او د درسي کتابونو ۱۱۸ زره ۶۹۸ ټوکه شامل دي، چې د پوهنې سره د یوې همکارې ادارې لخوا چمتو شوي او ټاکل شوې ده چې په ټول ولایت کې ۲۰۰۳ تنو ښوونکو او ۵۱۳۰۰ تنو زدهکوونکو ته ووېشل شي.
د پوهنې چارواکو په وینا؛ د دغو تعلیمي موادو وېش سره به د لومړنیو ښوونځیو تدریسي سرچینو ته د لاسرسي ستونزې حل او د هغه ولایت په محرومو سیمو کې د زدهکړې کیفیت لاښه والي په لور یو مهم ګام پورته شي.
