له یو شمېر ولایتونو څخه د پوهنې لنډ خبرونه
کاپیسا
د پوهنې وزارت د پلان ریاست پلاوي د خپلو ولایتي سفرونو په دوام، د کاپیسا له پوهنې رئیس او مشرتابه سره د لیدنې پر مهال د ياد ریاست له مسئولینو سره د پوهنې د درې کلن ملي پلان په اړه خبرې وکړې او له هغوی یې وغوښتل، تر څو د ياد پلان په اړه خپل نظرونه او وړانديزونه وړاندې کړي.
پکتیا
د پکتیا والي الحاج مهر الله حماد، د پوهنې رئیس مولوي عبدالوکیل خالد، د استخباراتو رئیس، امنیې قوماندان او د ياد ولایت د ملکي او نظامي ادارو یو شمېر مسؤلینو د پکتيا جهادي مدرسې له اداري او تدریسي چارو څخه لیدنه وکړه.
ياد پلاوي د مدرسې وضعیت وڅېړه او زده کونکي یې درسونو ته وهڅول.
هلمند
د هلمند ولايت پوهنې رئيس الحاج مولوي محمد عوض انصاري، د ياد ولايت مرکز اړوند د بيتون او ابن حبان ښوونځيو له اداري، تدريسي، لابراتوارونو او کتابتونونو څخه څارنه وکړه او زده کوونکي يې د درسونو د زده کړې په موخه وهڅول.
غزني
د غزني ولایت پوهنې رئیس الحاج مولوي میرنصیر احمد حسیني او ورسره مل پلاوي د یوه رسمي سفر په ترڅ کې د ياد ولایت واغظ ولسوالۍ له یو شمېر ښوونځیو څخه لیدنه وکړه.
نوموړي له مسئولينو او ديني علماوو سره د ليدنې پر مهال، د يادې ولسوالۍ د پوهنې عمومي وضعيت وڅېړه او د پوهنې د وضعيت په لاښه والي يې ټينګار وکړ.
