له ولایتونو څخه د پوهنې خبرونه
ارزګان
الحاج مولوي شمس الله کامران آخندزاده د يونيسف نړيوال دفتر له استازي سره وکتل او د دې ولايت د پوهنې رياست د ستونزو په اړه يې ورسره خبرې وکړې.
یاد پلاوي د دې ولایت له ملالۍ لېسې څخه هم لیدنه وکړه.
میدان وردګ
د میدان وردګو ولایت د پوهنې ریاست اداري غونډه د دې ریاست د ښوونې او روزنې آمر تر څارنې لاندې جوړه شوه او په مهمو ښوونیزو موضوعاتو یې پرېکړې وکړې.
دایکنډي
د دايکنډي ولايت د اشترلي ولسوالۍ د طاق عروس سيمې يو شمېر ديني عالمانو، ولسي مشرانو او د خلکو استازو د دې ولايت د پوهنې له سرپرست رئیس قاري عنايت الله سهار سره وکتل او د يو لړ ستونزو د وړاندې کولو ترڅنګ يې د طاق عروس عالي لېسې نیمګړتیاوې ورته وړاندې کړې.
پروان
د پروان ولایت د پوهنې ریاست سکتوري غونډه د دې ریاست د ښوونې او روزنې آمر تر څارنې لاندې د دولتي ادارو او مرستندویو بنسټونو د استازو په ګډون جوړه شوه.
د مرستندویو بنسټونو استازو د یاد ولایت د پوهنې په برخه کې د خپلو فعالیتونو راپور ورکړ او خپل نوي پروګرامونه یې معرفي کړل.
کاپیسا
د کاپيسا ولايت د پوهنې رئيس مولوي محمد فريد حقاني او ورسره مل پلاوي د حصه اول ولسوالۍ په قاضي خېل کلي کې د معصومیه دارالعلوم او دارالایتام له ښوونیز بهير څخه د ليدنې پر مهال د ښوونکو او زده کوونکو وړانديزونه يې واورېدل او د حل په موخه یې لازمې لارښوونې ورته وکړې.
