له معارف سره د اولسي مرستو په لړ کې
پوهنې وزارت، هرات: هرات ولایت کې د انجیل ولسوالۍ د جلیل آباد کلي اوسیدونکي ارباب عبدالجلیل، خپله دوه زره متره مربع ځمکه د یوه ښوونځي جوړولو ته ډالۍ کړه.
همداراز د یاد کلي یو بل اوسیدونکي بیا د دې ښوونخي تر جوړیدو پورې خپل شخصي کور معارف ته وسپاره، څو زده کوونکو په کې زده کړې وکړي.
د هرات د پوهنې رئیس ذکریا رحیمي په یاد کلي کې د ویس قرني لومړني ښوونځي د پرانیستې پر مهال د یاد کلي له ملاتړ څخه مننه وکړه، همداراز هرات یې د اولسي تړون او د پوهنې بیا رغونه کې ښه بیلګه وګڼله. نوموړي هیله څرګنده کړه چې د پوهنې ریاست وکولاى شي د دې نوي پرانیستل شوي ښوونځي په جوړیدو کې هم اولسي مرسته راټوله کړي.
