له مرکز او ولایاتو څخه د پوهنې لنډ خبرونه

media-moe
یکشنبه ۱۴۰۱/۱۱/۹ - ۱۰:۵۶
له مرکز او ولایاتو څخه د پوهنې لنډ خبرونه

کابل

 د کابل ولایت د چهاراسیاب ولسوالۍ د پوهنې آمرینو او د تعلیمي څارنې آمریت غړو د (OCCD) موسسې سره په کتنه کې د دواړو لورو ترمنځ د ګډ کار او فعالیتونو په باب له یو او بل سره خبرې وکړې.
دغه راز د غونډې په جریان کې د دغې ادارې درې سیمه ییز کارکوونکي چې د ازادې سيالۍ له لارې بریالي شوي دي، د يادې ولسوالۍ د پوهنې مسوولينو ته ور وپېژندل شول.

پکتیکا

د پکتیکا ولایت د جهادي مدرسې د ۴۲ تنو دیني عالمانو د دستاربندۍ مراسم د ولایت د والي، د پوهنې ریاست د مشرتابه پلاوي او د ولایت د ملکي او نظامي ادارو د نورو مسوولینو په ګډون یوه پرتمینه غونډه جوړه شوه.
 ويناوالو د قرانکريم د علم پر ارزښت او په ټولنه کې د ديني عالمانو پر مقام خبرې وکړې او له فارغانو يې وغوښتل، چې هېواد ته د خدمت لپاره تر خپله وسه هڅې وکړي.

پکتیکا

د پکتیکا ولایت د برمل ولسوالۍ د پوهنې د څارنې غړو له هغه ۱۲ ورځنی سیمینار څخه چې د یادې ولسوالۍ د سیمه ییزو او چټکو زده کړو د ټولګیو د ښوونکو لپاره جوړ شوی و څارنه وکړه.

کندهار

د کندهار د پنجوايي ولسوالۍ د زنګي آباد په کلي کې د ربانيه محمديه دارالعلوم د يو څو تنو ديني عالمانو فراغت ولمانځل شو.
د غونډې ګډونوالو د اسلامي امت پر یووالي او انسجام ټینګار وکړ او فارغان یې خپلو مسوولیتونو متوجه کړل.

هرات

د هرات ولايت د پوهنې رياست د بېلابېلو څانګو د يو شمېر کارکوونکو د کلنۍ ارزونې بهير د ټاکل شوي پلاوي له خوا پيل شو. د هرات د پوهنې رئیس د دې پروسې پر روڼتیا ټینګار وکړ.

تازه خبرونه

دوشنبه ۱۴۰۵/۱/۱۰ - ۱۵:۴۶
Background image

په لوګر ولایت کې د ۴۹  بابه ښوونځیو بیارغونې چارې بشپړولو ته نږدې شوې

د لوګر ولایت پوهنې ریاست اعلان کړی چې په یاد ولایت کې د ۴۹ بابه ښوونځیو د ودانیو او اړوندو ملحقاتو بیارغونې ۹۸ سلنه چارې بشپړې او ټاکل شوې ده، چې ژر به ګټې اخیستنې ته وسپارل شي.
د یادو. . .

دوشنبه ۱۴۰۵/۱/۱۰ - ۱۵:۴۴
Background image

د غور ولایت په مرکز کې د سوادزده‌کړې ټولګی جوړ شو

د بې‌سوادۍ کچې راکمولو په موخه، د غور ولایت مرکز فیروزکوه ښار اړوند «دره‌قاضي» په سیمه کې د سوادزده‌کړې یو ټولګی جوړ شو.
د پوهنې مسئولینو په وینا، د دغه صنف په جوړېدو سره ۳۰ تنو بې. . .

دوشنبه ۱۴۰۵/۱/۱۰ - ۱۲:۳۹
Background image

بامیان ولایت کې د څه کم ۱۷۰ میلیونه افغانیو په لګښت یو شمېر تعلیمي مرکزونه ترمیم او بیارغول شوي

د بامیان ولایت پوهنې ریاست مسئولین وایي، چې د ۱۴۰۴ لمریز کال په جریان کې د سیغان او یکاولنګ نمبر ۱ ولسوالیو اړوند ۳۲ بابه مدارسو او ښوونځيو د ترمیم چارې او د ۳ بابه 
نویو ښوونځیو. . .

BACK TO NEWS