له مرکز او ولایاتو څخه د پوهنې خبرونه.
کابل:
د کابل ولایت د پوهنې ریاست چارواکي وايي: د دغه ولایت د استالف ولسوالۍ د خواجه حسن، شهید عاطفې او د باشي ابراهیم ښوونځیو پر زده کوونکو یې د د چنجیو د مخنیوي د درملو د وېش لړۍ پیل کړه.
لوګر:
دلوګر ولايت د پوهنې مرستيال مولوي عبيدالله هشام د پوهنې د عمومي وضعیت د څېړنې په غرض د دغه ولايت ازري ولسوالۍ ته سفر وکړ او د پوهنې له مسوولينو سره يې وکتل او د دغې ولسوالۍ د ښوونځيو له تدریسي او اداري چارو څخه يې له نږدې وکتل .
نوموړي د يادې ولسوالۍ د پوهنې د مسوولينو ستونزې او وړانديزونه یې هم واوریدل، ترڅو د پوهنې وزارت له مسوولينو سره يې شريک کړي.
لغمان:
د لغمان ولایت د پوهنې ریاست اداري آمر عبدالمنان عابد د دې ولایت د الینګار ولسوالۍ د قلعتک ښوونځي د بیارغاونې چارې یې له نږدې وکتلې او د قرارداد له مخې یې ترسره شوي فعالیتونه سم وارزول او ژمنه یې وکړه، چې ډېر ژر به دغه لېسه د زده کوونکو پرمخ ګټې اخیستنې ته وسپارل شي.
فراه:
د ښاري حوزې آمر مولوي محمد قاسم معتصم، د بالابلوک ولسوالۍ د پوهنې آمر مولوي عبدالبصیر سعیدي او د فراه ولایت د ګلستان ولسوالۍ د پوهنې آمر مولوي لعل محمد رحماني له خپلو اړوندو کتابتونونو، لابراتوارونو او اداري او تدریسي چارو څخه څارنه وکړه. او د دغو والسوالیو د ښوونځیو مسوولینو ته یې لازمې لارښوونې وکړې.
نیمروز:
د علم او پوهې تر عنوان لاندې د فوټسال ورزشي سيالۍ د نيمروز ولايت د پوهنې رياست د مسوولينو په شتون کې د لسو ښوونځيو څخه د لسو ټيمونو په ګډون د سيستان په عالي لېسه کې پيل شوې.
د نيمروز د پوهنې مسوولين وايي، چې د دغو سياليو له پيلولو يې موخه د ښوونځيو ترمنځ د همغږۍ رامنځته کول او د دغه ولايت د پوهنې رياست له لوري ټاکل شوي ټيم ته د ورزشکارانو پېژندل دي.
