لغمان کې ۳۰ تنه ښځینه ښوونکو ته د ظرفیت لوړونې ورکشاپ جوړ شو
د لغمان د ښوونځیو ۳۰ ښځینه ښوونکو ته د ظرفیت لوړونې درې ورځنی ورکشاپ جوړ شو.
یاد ورکشاپ د پوهنې ریاست له خوا د مستوري د نجونو په لېسه کې د یونیسف موسسې په مالي مرسته جوړ شوی دی.
په دې ورکشاپ کې د لغمان د مرکز او قرغیو ولسوالي د اصول صنفی ۳۰ تنو ښځینه ښوونکو برخه اخېستې ده، چې د نویو او وروستیو تدریسي مېتودنو او لارو چارو په اړه به روزنه ورکړل شي.
د لغمان د پوهنې ریاست د روان کال له پیله د خپلو ښوونکو د ظرفیت لوړولو لپاره ځانګړي روزنیز ورکشاپونه په لاره اچولي، چې تر اوسه یې زیات شمېر نارینه او ښځینه ښوونکي د ظرفیت لوړونې په برخه کې روزل شوي دي.
