فراه ولایت کې څه د پاسه ۵۹۰ زره افغانیو په لګښت د یو ښوونځي بیارغونې چارې بشپړې شوې
د فراه ولایت د پوهنې ریاست مسئولینو په وینا، د پوهنې وزارت له بودیجې څخه د ۵۹۱ زره ۶۲۹ افغانیو په لګښت، د یاد ولایت مرکز اړوند د کاریز سوخته ښوونځي بیارغونې چارې چې پخوا پیل شوې وې، بشپړې او ګټې اخیستنې ته چمتو شو. د یاد ولايت د پوهنې رياست مسئولينو، د دغه ښوونځي بيا پرانیستلو په مراسمو کې، د پوهنې وزارت د پرمختيايي پلانونو په باب خبرې وکړې او زیاته یې کړه، دغه وزارت تل هڅه کوي، تر څو د هېواد د پوهنیز نظام لاپياوړتيا په موخه د ماشومانو لپاره لازمې ښوونيزې او روزنیزې آسانتياوې رامنځته کړي. دغه راز د سيمې يو شمېر خلکو د ياد ښوونځي پر بيارغونې خوښي څرګنده او د پوهنې د تعمیم په برخه کې يې د پوهنې وزارت له ارزښتناکو کړنو څخه د مننې ترڅنګ، د پوهنې له پروګرامونو خپل مادي او معنوي ملاتړ اعلان کړ.
