فراه ولایت کې د یو محراب جومات رغنیرې چارې پیل شوې
د فراه ولایت فراه رود ولسوالۍ اړوند بیت المقدس دیني مدرسې په انګړ کې د یو محراب جومات جوړولو چارې، د پوهنې رئیس محترم مولوي اخترمحمد زعیم، علماءکرامو او سپن ږیرو په حضور کې پیل شوې.
د فراه ولایت د پوهنې محترم رئیس د یاد جومات جوړولو په پیل کې وویل: دغه جومات د یو متدین سوداګر محترم حاجي عبدالمالک په ملاتړ د ۲ مېلیونه۵۰۰ زره افغانیو په لګښت د ۳۸۴ متره مربع ځمکې کې ساحه کې د ۵ میاشتو په موده کې جوړېږي، چې د ۸۰۰تنو لمونځ کوونکو ظرفیت به ولري.
