د کندز ولایت د معارف کارکوونکو ته په سیستم کې د ثبتولو په اړه ښوونیز ورکشاپ جوړ شو
د پوهنې وزارت_کندز: د کندز ولایت د معارف کارکوونکو ته په سیستم کې د ثبتولو په اړه یو ورځنې ښوونیز ورکشاپ جوړ شو.
یاد ورکشاپ له مرکز کابل څخه د راغلې شپږ کسیزې ډلې لخوا چې مشري یې ضیاءالحق”صافي“ په غاړه درلوده د پوهنې ریاست د غونډو په تالار کې جوړ شوي چې پکې د پوهنې رییس نحیب ثاقب، د اداراي اصلاحاتو رییس ښاغلي اسماعیل مسؤل، د ښوونیزو حوزو آمرانو، د څارنې غړو، او د یو شمېر ښوونځیو مدیرانو ګډون درلود، چې د اداري اصلاحاتو په عمومي ډيټابیس کې دثبتولو پروسې پرمخ وړلو په اړه روزنه ورکول کیږی.
د یادونې وړ ده چې د دې پروسې په بشپړېدو سره به د کندز ولایت پوهنې ریاست اړوند ټول کاروونکي او ښوونکي د اداري اصلاحاتو په عمومي ډېټابیس کې ثبت او راجسټر شي.
