د کاپیسا ولایت په امنیې قومانداني کې د سواد زدهکړې ټولګی جوړ شو
د بې سوادۍ له منځه وړلو او په ټولنه کې د زدهکړې پیاوړتیا په موخه، د کاپیسا ولایت پوهنې ریاست د امنیې قومانداني اړوند ۲۹ تنو کارکوونکو او خدمتي منسوبینو لپاره د سواد زدهکړې یو نوی ټولګی جوړ او پرانیست.
د ټولګي د پرانیستې په مراسمو کې د کاپیسا ولایت پوهنې ریاست تدریسي مرستیال وویل: د سواد زدهکړې ټولګيو جوړولو پروسه په ټول هېواد کې پیل شوې او د افغانستان اسلامي ا.مارت د پوهنې وزارت اصلي هدف په ټولنه کې د بې سوادۍ له منځه وړل دي.
نوموړي زیاته کړه چې تر اوسه پورې د یاد ولایت په ۱۶ ا.مارتي ادارو کې د سواد زدهکړې ټولګي ایجاد شوي او له پلان سره سم د سواد زدهکوونکو ته د کتابونو سربېره قرطاسیه او نور درسي مواد هم وېشل کېږي.
د پولیسو قوماندانۍ رهبري د پوهنې ریاست له هڅو د ستاینې ترڅنګ، د پوهنې د پراختیا په برخه کې د متقابلې همکارۍ غوښتنه وکړه.
