د کاپیسا ولایت د ښځينه مدرسې اړوند يوې تکړه زده کوونکې څخه ستاینه!
د پوهنې وزارت د ښوونې او روزنې معين، الحاج مولوي سخاء الله سعید د کاپیسا ولایت د ښځينه وو مرکزي مدرسې زده کوونکې بي بي فرزانه د عبدالکریم لور په قلمي بڼه شپږو مياشتو کې د قرآن کریم لیکلو له امله په ستاینلیک او نقدې ډالۍ ونازوله.
د پوهنې وزارت د ښوونې او روزنې معين د يادې زده کوونکې د استعداد د ستاينې په ترڅ کې هغه ته د دې سترې بريا مبارکي وويله او ويې ويل چې تاسو د هېواد وياړ ياست او د پوهنې وزارت چمتو دى چې ستاسو د زده کړو د دوام زمينه برابره کړي.
ور پسې د يادې زده کوونکې پلار د هېواد د تنکيو بچيانو د ښوونې او روزنې په برخه کې د پوهنې وزارت د رهبرۍ له هڅو څخه د تود هرکلي ترڅنګ، خوښي څرګنده کړه او ويې ويل: خوشحاله يو چې د خلکو لپاره د پخوا په پرتله د عصري زده کړو ترڅنګ د ديني زده کړو په برخه کې ډېر پرمختګ شوی دی.
