د کابل ښار پوهنې سرپرست د يوشمېر ښوونځیو له پروګرامونو څخه لیدنه وکړه.
د کابل ښار د پوهنې سرپرست او د ښوونې او روزنې آمر عبدالوکیل الهام، د ياد ښار د ښوونځیو له پروګرامونو څخه د لیدنې په ترڅ کې داځل د لسمې او دولسمې ناحیې د څلورنيم مياشتنيو آزموینو له بهير څخه څارنه وکړه او د آزموینو په نظم، شفافيت او روڼتيا يې ټینګار وکړ.
د یو بل خبر له مخې:
د کابل ښار پوهنې سرپرست د ښار د ښوونځیو د فوټبال له پای لوبې څخه چې د اماني لېسې په سپورتي میدان کې ترسره شوه، لیدنه وکړه.
د يادونې وړ ده، چې د کابل ښار د ښوونځيو د ورزشي ټېمونو د فوټبال لوبې د يادو ټېمونو د زده کوونکو تر منځ له سختې سيالۍ وروسته اوس د لسمې ناحيې ښوونځيو د زده کوونکو ټېم، په لومړي مقام او د لومړۍ او شپږمې ناحیې د ښوونځيو د زده کوونکو ټېمونه په ترتیب سره دویم او درېيم مقامونه خپل کړي دي؛ چې ګټونکي ټېمونه د کابل ښار د پوهنې ریاست د مشرتابه له لوري د ډالیو او کپونو په ورکولو سره وستایل شول.
