د کابل ښار د شهید عبدالرحیم لېسې او دممتاز په نامه د سواد د زده کړې له مرکز سره نږدې د چاودنو د تقبیح او غندلو په اړه د اسلامي امارت د پوهنې وزارت اعلامیه
په خواشینۍ سره مو خبر تر لاسه کړ، چې تېره ورځ د روژې دمبارکې میاشتې په اتلسمه نېټه د کابل ښار اړوند د شهید عبدالرحیم لېسې او د ممتاز په نامه د سواد د زده کړې یوه مرکز ته نږدې درې چاودنې ترسره شوې، چې په ترڅ کې یې زمونږ یو شمیر مظلوم هیودوال په شهادت ورسېدل او یو شمیر ټپیان شول . د اسلامي امارت د پوهنې وزارت یاد غیر انساني او غیر اسلامي عمل په شدیدو ټکیو غندي. الله تعالی دې د یادې فاجعې د شهیدانو شهادتونه قبول کړي، ټپیانو ته دې عاجله شفاء ورکړي، د یاد جنایت مرتکبین دې په دنیا او آخرت کې له سخت عذاب او رسوايي سره مخ کړي. د شهیدانو او ټپيانو کورنیو ته د تسلیت مراتب وړاندې کوو، د هیواد په مسئولو امنیتي ارګانونو غږ کوو، چې د یاد جنایت د عاملینو په پیدا کولو، د قانون منګولو ته په سپارلو او د تعلیمي مراکزو د امنیت په تامین کې پوره هڅه،کوشش او تلاش وکړي، ترڅو په راتلونکې کې بیا داسي ناوړه پېښې تکرار نه شي.
شیخ مولوي نورالله منیر
دپوهنې وزارت سرپرست وزیر
