د کابل ولایت په موسهي ولسوالۍ کې د یو باب ښوونځي د تاسیسولو له پروسې څخه ارزونه وشوه
د کابل ولایت پوهنې ریاست پلاوی موسهي ولسوالۍ ته واستول شو، ترڅو د حاجي عبدالقادر خان لومړني ښوونځي تاسیسولو له پروسې څخه بیاکتنه او ارزونه وکړي.
په پلان کې ده، چې د موسهي ولسوالۍ د عباسقلي کلي اوسېدونکو په غوښتنه، هلته د یو باب لومړني ښوونځي څانګه جوړه شي.
له همدې امله د موقعیت، اړتیا او په پورته ذکر شوې سیمه کې د ښوونځي تاسیسولو د ارزونې لپاره چې د ګاونډیو کلیو اړتیاوې هم پوره کړي، د پوهنې ریاست د چارواکو یو پلاوی سیمې ته لاړ، ترڅو د تاسیس شرایط او د ښوونځي جوړولو اړتیا په دقت سره وڅېړي.
